Lezoko eta Pasaiako udal gobernuek datozen hilabeteetan atez ate zaborra jasotzeko sistema plenora eramango dutela jakinarazi dute. Horrela, Lezon hil honetan bertan proposatuko dutela jakinarazi dute, eta Pasaian, berriz, maiatzeko udalbatzarrean. Oiartzunekin batera, sistema hori erabiliko lukete herri horiek. Lezoko eta Pasaiako plenoek sistema horrekin aurrera egitea erabakitzen badute, 2013ko udaberrian izango da martxan atez [...]

Oarso Bidasoko Hitza, otsailak 21 (pdfa)

VI. Ekozinemaldia martxan da dagoeneko. Ingurumenarekin lotutako askotariko gaiak aztertzen ditu zinemaldi horrek, eta aurten baliabideen gaineko filmak proiektatuko dituzte Irunen eta Errenteria-Oreretan. Bi hirietan bihar hasiko dira emanaldiekin: lehenengoan, Oky Doky tabernan, 18:00etan; eta bigarrenean, Mikelazulo Kultur Elkartean, 19:30ean. Ekologistak Martxan dago zinemaldiaren atzean, eta elkartearen esanetan, horrelako egitasmoak “ezinbestekoak” dira gertatzen ari dena

Aisialdi egitasmo hezitzaile bat abian jartzeko proiektua aurkeztuko dute aste honetan eta hurrengoan Pirritx, Porrotx eta Marimotots pailazoak kide dituen Irrien Lagunak klubaren ekimenez, Oarsoaldeko herrietan umeentzat aisia proiektu «hezitzaile, euskaldun, herritar eta parte hartzaile bat» abian jarri nahi dute. Proiektuaren protagonista umeak izango dira, baina ez dira jasotzaile huts izango, egitarauaren beraren diseinuan ere [...]

Iparragirre Sarietan gailendu dira bertso paperen atalean, euskarazko poesian eta euskarazko narratiban 2011ri dagozkion Iparragirre Sariak banatu dituzte, eta hiru sari eskualdera etorri dira. Iñigo Legorburu eta Aitor Albistur errenteriarrek saria jaso dute bertso paperen atalean. Albistur, gainera, poesia atalean nagusitu da, eta Karmele Mitxelena oiartzuarra euskarazko narratiban. Asteburuan banatu zituzten Urretxuko udaletxeko pleno aretoan [...]

Pasaia-Lezo Lizeoko ikasleek inauterien barruko emanaldia egin dituzte gaur. Goizean, Lezon egin dute ikuskizuna. Arratsaldean, berriz, Antxoko, Donibaneko eta san Pedroko egoitzetako ikasle gazteenen txanda izan da. Ondoko irudiak Antxoko ikuskizunekoak dira.

Oarso Bidasoko Hitza, otsailak 17 (pdfa)

Triste antzean, zerua lainotuta, esnatu zen atzoko eguna. Hala ere, itxuraz tristea izango zen eguna alaitu zuten arratsaldean, Oarsoaldean zein Bidasoan. Izan ere, atzo arratsaldean hasi ziren inauteriak hainbat herritan, bakoitza bere moduan. Lezori dagokionez, Trapujalek iragarri zuen atzo arratsaldean inauterien etorrera. Ohi bezala, lehendabizi Herri Eskolara iritsi zen pertsonairik esanguratsuena. Iluntzean, berriz, Martizkone baserritik

Oarso Bidasoko Hitza, otsailak 16 (pdfa)

Ostegun gizena, Azeri dantza eta inauteriak batuko ditu gaurko egunak, eta sei eguneko jaiaren hasiera izango da Errenteria-Oreretan . Azeri dantza 19:00etan irtengo da Ereintzaren elkartetik, eta Erdialdeko kaleak igaro ondoren, 20:15ean iritsiko da Herriko Enparantzara. “Urtero bezala ganberrokeriak ez dira faltako”, iragarri du kultur elkarteak. Ereintzak izan ezik, Oreretako Txosna Batzordeak ere Azeri dantza -n parte hartzeko deia egin [...]

Oarso Bidasoko Hitza, otsailak 15 (pdfa)

Oarso Bidasoko Hitza, otsailak 14 (pdfa)

Oarso Bidasoko Hitza, otsailak 10 (pdfa)

Kaldereroak gaur helduko dira Hungariatik Irun, Pasaia eta Errenteria-Oreretara inauteriak iragartzera. Trintxerpen arratsaldeko bostetan elkartuko da haurren konpartsa Karmengo Ama ikastetxeko jolastokian. Helduen konpartsa, 18:30ean elkartuko da Serafin Esnaola plaza. Azken horretarako, parte hartzaile bakoitzak eraman beharko ditu zartagina eta mailua antolatzaileek jakinarazi dutenez. Irunen 19:00etan irtengo da Irungo Atsegiñak antolatutako kaldereroen konpartsa Alberto [...]

ELA, LAB eta EILAS sindikatuek deituta, lau orduko lanuztea egin zuten atzo sektore publikoko langileek. Euren helburua pasa den urtarrilaren 11n Eusko Jaurlaritzak onartutako neurriak salatzea zen, baita aurrekontuaren murrizketa zein Espainiako Gobernuaren “dekretazoa” ere. Izan ere, 95 milioi euroko murrizketa egingo du Jaurlaritzak sektore publikoan. Oarsoaldean eta Bidasoan, hainbat zerbitzutan eragin handia izan zuen [...]

Oarso Bidasoko Hitza, otsailak 9 (pdfa)

Eusko Jaurlaritzak eta Espainiako Gobernuak abian jarri dituzten “murrizketak salatzeko eta kalitatezko zerbitzu publikoak eskatzeko”, ELAk, LABek eta EILASek sindikatuek protestak deitu dituzte gaurko. Besteak beste, Oarso Bidasoko hainbat ikastetxetan lau orduko lanuzteak egingo dituzte gaur. Lanuzte horietan elkarretaratzeak eta bestelako mobilizazioak egingo dituzte. Udaletako langileak ere gehitu zaizkie protesta ekintzei. Oiartzungo Udalekoek, esaterako, elkarretaratzea

Oarso Bidasoko Hitza, otsailak 8 (pdfa)