Artibai Mendigoizale Taldeak antolatuta, umeentzako egun erdiko irteera egongo da domekan, Aulestiko Iluntzar mendira. 09:30ean izango da irteera, Kai aurretik, eta eguraldiaren arabera, Aulestira, Narira edo Nabarnizera joango dira autoz, eta gero Aulesti-Iluntzar-Aulesti-Nabarniz ibilbidea egingo dute.

Aurten be idi dema egongo da Etxebarrian, Pazko astean. Parte hartzaileen arabera, apirilaren 5etik 9ra luzatuko dira probak. Deman parte hartu nahi dutenek martxoaren 25ean emon beharko dute izena, udaletxean. Baldintzak hauek izango dira: Idi bikoteek 1.100 kiloko pisu oinarria izango dute eta idi-buztarri bakoitzak akulari bi eroango ditu. Oraingoan be Etxebarriko 1.500 kiloko harria erabiliko

Mozorroen kalejira kale artetik, eta sari banaketa kontzekupean. Euriak izan zuen eragina Markina-Xemeingo inauterietan, halanda be, mozorrotzera animatu zirenak aterpeen babesa bilatu eta umoretsu ospatu zuten eguna. Zerutxu dantza taldeak be frontoi txikian eskaini zuen inauterietan ohikoa den Zaragi Dantza, eta bertan ibili zen Artza herritarrak beldurtzen. Hasierako zalantzak baztertuta, Antzar Jokoa egin zen Zelaiko [...]

Kalderero Eguna ospatuko dute bihar Lekeition, aratusteen etorrera iragartzeko. 12:30ean kanpamendua zabalduko dute kaldereroek Isidro Salinas enparantzan eta sasikoipetsugaz hasiko dute eguna. Musikak be izango du bere tartea. Aratuste Alai estudiantina aterako da kalejiran eta Lekitto Musika Bandak kontzertua eskainiko du 12:30ean Nautika aurrean. Inauteriateko egun handia martitzena izango da. Eskolako eta ikastolako neska-mutilak kalejira

Desfilea, musika eta txokolate jana izango dituzte etxebarritarrek inauteriak ospatzeko.

Egitaraua:

Zapatua: 16:00etan frontoitik irtenda mozorroen desfilea herrian zehar, herriko trikitilariek alaituta; 17:00etan sari banaketa; ondoren txokolatea, bizkotxoak eta tostadak; 17:30ean DJ Xaibor.

Azken hilabeteetan sekretuan gordetako mozorroak kalera aterako dira domekan. Desfilea 11:30ean egingo da Goiko Portaletik hasita, baina beste hainbat ekimen be egongo dira, Antzar Jokoa, Zaragi Dantza eta Hartza besteak beste. Egitaraua:  Zapatua.16:00etatik 18:00etara mozorro tailerra Uhagoneko erakusketa gelan, adin guztietako ume eta gaztetxoentzat; 19:00etan kantujira kontzekupetik hasita. Domeka. 09:30ean herriko txistularien kalejira; 10:30ean Markinako Bandaren kalejira; 11:00etan [...]

Yaw eta Nessun Dorma taldeek kontzertua eskainiko dute gaur, 22:00etan, Akerbeltz gaztetxean. Post hardcore giroa ekarriko du Yaw taldeak Donostiatik eta metal indartsua Nessun Dormak Lekeitiotik. Azken lanak aurkeztuko dituzte bi taldeek: Australia izeneko EPa ezagutzera emongo du Yaw talde donostiarrak eta Chopped in Half Nessun Dormak.

Markina-Xemeingo Gazte Asanbladak 10 urte bete dituela eta, deialdi berezia egin dute gazte mugimenduaren aldeko argazkian parte hartzeko. Argazkia, zapatuan aterako dute, 13:00etan, Zelaian, eta inoiz gazte mugimendu bateko parte izan, sentitu, edo gazte mugimenduagaz bat egiten duten herritar guztiei argazkian parte hartzeko dei zabala egin diete.

Joan den urtean hasitako ekimenari jarraipena emonez kantujira egingo da zapatuan kalerik kale. Euskal kantak abestuaz iluntzea girotzea da asmoa. 19:00etan hasiko da kantujira Kontzekupetik.

Aurreko legegintzaldian egindako Herri Antolamendurako Plan Orokorra aztertzen dabil Markina-Xemeingo Udala azken onarpena emon aurretik. Aldaketa batzuk egingo dituzten arren, orokorrean nahiko ondo dagoela adierazi dute. Zazpi edo zortzi izango dira aldaketak. Beste batzuren artean, Murganeko basoa babesteko ez urbanizagarri modura izendatzea eta txabolen gaineko ordenantza bat egitea.

Markina-Xemeingo talde eta elkarteei emoten zaizkien diru laguntzak aurreratzea erabaki du udalak. Urtea hasteagaz batera hasi dira herriko taldeak ekimenak antolatzen, eta horri aurre egiteko laguntzak beharrezko dituztela esan dute. Horrela, 2011 urtean jaso zuten diru laguntzaren kopuruaren erdia hartuko dute orain, eta udalak 2012ko aurrekontuak egin eta laguntzak zenbatekoak izango diren zehazten dutenean hartuko

Osteko kalea auto guztientzako zabalik mantentzea erabaki du Markina-Xemeingo Udalak.Udalaren ustez, pibota egoteak, leku publiko baten erabilera pribatu bihurtzen zuen. Inguru horretan bizi diren auzotarrek kexek be izan dute zerikusia erabaki horretan. Abenduaren 21ean batzarra eduki zuen udalak gune horretako bizilagunekin eta bertarako sarrera arautzen zuen pibota jaistea erabaki zuten. Autoa bertara sartzeko, urrutiko aginte bat

Azken aldian, Udaleko osoko bilkuretan udal konpetentziak ez diran gaiak sartzeko joera ikusi du Markina-Xemeingo EAJk. Hori dela eta, «udal honetako arazoei aurre egiteko eta kudeaketa hobeago bat lortzeko asmoagaz», Markina Xemeingo herria eta bertoko herritarrengan eragina daukiezan gaiak bakarrik jorratzea eskatu dute. «Azken baten, Markina Xemeingo herriarengan eraginik eukiko ez daben eztabaida antzuak ekiditea lortuko [...]

Caballero de la Guerra artistaren lanak ikusgai daude eguenera arte Uhagon kulturgunean. Santurtzaiarraren lana arrakasta handia izaten dabil ikusleen artean errealismo bizi-bizia islatzen duelako. Erakusketako lan gehienen gaia hiria da, eta bertan ikus daitezke, besteak beste, Gernika-Lumo edo Durangoko erretratuak. Horretaz gainera, kubismoa, abstrakzioa eta pop-art estiloko lanak be baditu. Erakusketa zabalik dago 17:00etatik 19:00etara.

Salmenta onak eta jende nahikoa izan zituen gero eta indar handiagoa hartzen doan Zuhaitz, Landara eta Baserri Tresnen azokak zapatuan, Markina-Xemeinen. Hotz handia egin arren, asko izan ziren zuhaitz landareak erostera animatu zirenak. Horretaz gainera, eztia, gazta eta ogia izan ziren eskari gehien izan zituzten produktuak.

Energia jasangarritasunaren inguruko bideoa egin behar izan dute Elhuyar Olinpiadetako parte hartzaileek bigarren proban. Lekeitioko R.M. Azkue ikastetxeko DBH2ko taldea izan da irabazlea. BERRIAk emandako saria jasoko dute irabazleek.

Bihar hasi eta martxoaren 21era bitartean, eguaztenero 17:30 etik  20:30etara, Gastronomian manerak edo jarduteko moduak zaintzeko protokoloa  ikastaroa egongo da Uhagonen. Elikagai, ardo eta menuak, mahaiak zelan jantzi, zelan zerbitzatu eta protokoloa erakutsiko ditu, besteak beste, Juan Antonio Bilbao, ETB-ko Menu Estress programako epaimahaikideak.  LANDA XXI, Landa inguruko emakumeen elkartea k antolatutako ikastaroan parte hartzeko 94-630 07 69 telefono [...]

Aste honetako eguenean,   20:00etan, otsaileko ohiko Osoko Bilkura egingo da udaletxeko bilkura aretoan. Gai-zerrenda hau izango da: 1.-  Aurreko Osoko Bilkuraren akta irakurri eta onartzea. 2.-  Sektore publikoaren erreformari buruzko mozioa. 3.-  Kutxa Bank-aren inguruko mozioa. 4.-  Informazioa: 4.1.-  Osteko kaleko pibotearen inguruko erabakia. 4.2.-  Taldeen diru-laguntzak aurreratzea. 4.3.-  Plan Orokorra. 4.4.-  Aurrekontuen

Merkealdien azokatxoa jarriko du Hemen be bai, herriko merkatari eta ostalari elkarteak zapatuan, frontoian. 10:00etatik 15:00etara kalera irtengo dira dendariak eta era askotako eskaintza bereziak jarriko dituzte erosleen eskura. Musika eta taberna be egongo dira azokatxoari giroa emoteko.